كلمات اغنية حبيبي ياه ياه لأحمد سعد وعفروتو ومروان موسى من ألبوم “بيستهبل (الوش التاني)” بتوصف حب عصري كله تفاصيل بسيطة وضحك ودلع بين اثنين. الأغنية رومانسية، وفيها كلام عن التضحيات الصغيرة اللي بنعملها عشان اللي بنحبه، من غير شروط ولا حسابات. لو حابب تشوف الكلام كله، دي كلمات حبيبي ياه ياه مكتوبة وكاملة.
كلمات اغنية حبيبي ياه ياه
حبيبي ياه ياه
حبيبي عنده ميعاد
هاجيبله طيّارة
ودا لاجل الحبّ
وركبت فيها لوحدي
ده نسيني يا خسارة
وده لاجل الحبّ
ضربني نار بعنيه عدّيتها ماعاتبتوش
وده لاجل الحبّ
لاطعني من ساعتين قال إيه بيظبّط روج
وده لاجل الحبّ
إدّيته باسورداتي وسنابي أنا قفلته
ودا لاجل الحبّ
جبتله بيستاشيو وفي بوقه أكلته
دا الحبّ يا ناس عملوه
مافيهوش ولا لاء ولا No
أطلب بقى زيّ ما تطلب
وأنا أقولك I Love You
حبيبي يا يا حبيبي يا يا
أطلب عيني هتاخد حضن معاها
أؤمرني يا يا عمّ العالم إنت
لو نجمة من السّما بربش تلقاها
حبيبي ياه ياه
إيه دا ده
دا باعتلي موجيهات بتدمّع
وأنا أقول شكله بيتدلّع
آجي أصالحه يسيب قلبي يولّع
ودا لاجل الحبّ
في الفجر
يصحّيني من نومي
يغلبني في طرنيب وفي كومي
بطّلت عشانه الإندومي
وده لاجل الحبّ
ببعتله الورد بعنوانه
وبجيبله الجوتشي بألوانه
فوّت البادل أنا علشانه
وده معنى الحبّ
ما الحبّ ياناس عملوه
مفيهوش ولا لاء ولا No
أطلب بقى زيّ ما تطلب
وأنا أقولك I Love You
اغنية حبيبي ياه ياه
Ahmed Saad X Afroto X Marwan Moussa – Habibi Ya Ya
كلمات: فليبينو – مروان موسى – عفروتو
الحان: أحمد طارق يحيى – مروان موسى – عفروتو
توزيع: أحمد طارق يحيى