كلمات اغنية عاصفه غناء دكتور ديزل، بتوصف شاب واقف فى وش الدنيا بجدعنة وعناد. بيفرز اصحابه، يهاجم العيال العويل، ويحط مبادئ تقيلة للصحوبية والولاء. بيهدد خصومه بثقة، ويفتكر نصايح ابوه عن الحق. فى الآخر تسيبك بكامل طاقتك وحاسس إنك مش لوحدك.
كلمات اغنية عاصفه – دكتور ديزل
قولّي مين سَلَك معانا أمّا ندبنا
مين جاب العويل وَرّاله بابنا
متفوتنيش أصول وليا مبدأ
مبعتمدش فيها معتمدها
أيوة أنا اللى مش هتشوفو خيبته
أنا ده اللى حَذّروكو منه
أنا اللى غالي عليكو سعره
أنا العفريت اللى بتخافو منه
فيها ماشي أحُطّ عالي فيها
أصحابي 10 بس ولاد لذينة
10 صوابع والكفوف لعينة
صُحبة نفسي نفس أولى بيها
مهما يغلو ف الرخيص معروف تمامه
والواطي مهما يعلا مش بيكون مكانه
وأي نِدل مهما يحكي مش صادق لسانه
بنا مفيش عويل بيكون معمول حسابه
عارف آخرو بس سيبه يلعب
يجري مهما يجري مش هيسبق
زي النار اللى يعدّيني يولع
زي البحر اللى يعدّيني يغرق
أبويه قالي كلمة الصحاب تقيلة
مش أي حَدّ قال حكاية يَلّا بينا
لو أنت مين وحَقّي عندك مش هسيبك
لو مش مصَدّق حُطّ نفسك خد نصيبك
قولّي مين سَلَك معانا أمّا ندبنا
مين جاب العويل وَرّاله بابنا
متفوتنيش أصول وليا مبدأ
مبعتمدش فيها معتمدها
دايس اللى قبلو واللى بعلو
صوتي أصلي جلا لَمّا شفو
غزالته كت معايه مش فى بختو
عرضي مغري بس للى فهمو
أنا اللى باجي أخَلّص وآخد الاتاوة
ليا نظرة وأنتو ملكوش فى الشقاوة
لو كنت خصمي يعني سايب ليك علامة
لو تجمعنا جولة هيكون يوم حدادك
مش مع أي حَدّ تمشي حُبّي
مع اللى مِنّي بس تمشي وِدّي
بهَدّي نفسي والشيطان حدفني
أروح وأقِلّ م اللى مش عاجبني
دكتور ديزل رَشّ الخزنة و 100 مسا
من محافظة لى أي دولة تكون قاهرة
لو مِنّي هَبّت الأعداء تشوف عاصفة
حلوة يسطا بس فى أحلى من كده
قولّي مين سَلَك معانا أمّا ندبنا
مين جاب العويل وَرّاله بابنا
متفوتنيش أصول وليا مبدأ
مبعتمدش فيها معتمدها
أيوة أنا اللى مش هتشوفو خيبته
أنا ده اللى حَذّروكو منه
أنا اللى غالي عليكو سعره
أنا العفريت اللى بتخافو منه
اغنية عاصفه – دكتور ديزل
Dr Dezel – 3asefa
كلمات وألحان: أحمد الديزل
توزيع: ديزل بروداكشن
المزيد من أغاني دكتور ديزل
شوفت الغدر لـ دكتور ديزل
ثابت يا بلد لـ دكتور ديزل
بلاش أنا لـ دكتور ديزل
صمت – دكتور ديزل
خدوا لفتكوا – دكتور ديزل