كلمات اغنية على فين غناء الرابر مروان موسى وكريم أسامة بتوصف حالة الحيرة والضياع وسط الدنيا اللي مابتثبتش على حال. الكلمات فيها تأمل وتساؤل، كأنها صوت داخلي بيسأل: “إحنا رايحين على فين؟” جملة “الدنيا بتحدف على فين” بتحسها طالعة من قلب واحد تايه وسط كل التغييرات، مش عارف يمسك حاجة ثابتة.
كلمات اغنية على فين مروان موسى
بشروطي وأحكامي
في وجود وفي غيابي
ياما الشّوق ودّاني
زي ما الموج هدّاني
الصّورة مأڤورة
وشيطانك كدّرك
ده لزوم المرحلة
لو في الحسبة اسلوب وتّرك
ضلمة بنتدمّر
و الكابوس ف دماغي العرض التّالي وبيتكرّر
شايف أشباح في الاوضة ثابت في المكان متمسمر
لمّا تدوخ م اللّف إرجع خانتك تاني واتفرّج
جرّب جرّب جرّب
الدّنيا بتحدف على فين
شُغلة وبطلِت ولا إيه
حادفه السلّم على فين
رافضه العِدل ولا إيه
رايحة وجاية مش بتسايرك وبقت بايخة من الطّمع
دنيا زايفة ناس هايفة والغدر ع الخلق إتطبّع
عرفنا النّاس
لسّه لسّه لسّه الكنز ماجاش
و عرفت يميني
دراعي وغيره مجاش
خلّيكوا أبطال بس ع الوحشين
يا ستّ الكلّ ماتسحلنيش
لو مش واسطة انا ف التّهميش
وش القِدرة اتهرى تغميس
كفاية…
ما كفايه هلاقيها منّك ولا من الدّنيا
بيني وبين نفسي مابقاش في كيميا
جيبي فيه اللّون بس مش برسمها
عليك…
العيب كان فيك ولا في اللّي حواليك
أو يمكن بعمل لقطة
ومافيش إرسال
إيدي ف إيد تمثال
حابّة الصّيت ولا حابّة المال
ولا حابّة قلوب ولا حابّة شمال
الدّنيا بتحدف على فين
شُغلة وبطلِت ولا إيه
حادفة السّلم على فين
رافضة العِدل ولا إيه
رايحة وجاية مش بتسايرك وبقت بايخة من الطّمع
دنيا زايفة ناس هايفة والغدر ع الخلق إتطبّع
عرفنا النّاس
لسّه لسّه لسّه الكنز ماجاش
وعرفت يميني
دراعي وغيره مجاش
اغنية على فين – مروان موسى
Marwan Moussa – 3ALA FEN? ft. Karim Osama
كلمات: مروان موسى وكريم أسامة
توزيع: حاتم ومروان موسى
المزيد من أغاني مروان موسى
اغنية ميكاڤيلي – مروان موسى وحليم تاج السر
اغنية كلميني بالليل – مروان موسى
اغنية روح بقلبك – مروان موسى
اغنية العنوان – مروان موسى
اغنية فواتير العتاب – مروان موسى