كلمات اغنية عكس ما إتقال لـ حسين من ألبوم “المقابلة” بتغوص في عمق المشاعر المتلخبطة، بين الصدمات والخيانة والأسئلة اللي ملهاش إجابة، في رحلة بين الواقع اللي بيخيب وبين جراح مش بتطيب. الأغنية حزينة وبتعبر عن وجع النفس لما تكتشف إن اللي حواليك مش زي ما كنت فاكر.
كلمات اغنية عكس ما إتقال – حسين
عايش بدوّر على الإجابة
والسّؤال بيختلف
النّاس من برّا تبان غلابة
لحدّ في يوم متكتشف أنّ
بحر الزّمن بحر عالي وموجه قلّاب
والعين بتعلى على الحاجب عكس ما إتقال
مفيش حكاية بدون نهاية
بواجه نفسي بالحقيقة
ضاع من عمري سنين كفاية
العمر بيجري على النّتيجة
بسأل نفسي في المرايا
مين عليّا ومين معايا
مين اللّي جريلي زيّ ما جريتله
ويوم موقعت قال فدايا
ملقيتش حدّ لمّا الدّنيا تقلّت
سابني الحبّ وكلّ السّكك قفلت
وأكتر واحد كان عليّا بيتسنّد
زيّ الأعمى فتح رمى العكّاز
جروح في قلبي جوّا منّي علّمت
بشكي همّي للحيطان اتكلّمت
مبقيتش أصدّق حتّى مبقيتش بعتمد
أصل العالم كلّه طلع كدّاب
مش عارف إيه خلّاني
حابب ناس كارهاني
شاري في ناس بايعاني
ولسّه مواصل
بأمّن ناس خيناني
مش كلام بقوله في الأغاني
الكلام ده طالع من الدّاخل
وبينقل الواقع
اغنية عكس ما إتقال – حسين
HUSAYN – 3aks Ma Et2al
كلمات: حسين
توزيع: كين
المزيد من أغاني حسين
مالك
شيطان
الحب بيأذيني
كاسر العشرين