تبحث عن جرعة من الضحك والمتعة لتحسين مزاجك؟ أليك مجموعة من أطرف نكت أغبياء وهي من أكثر أنواع النكت المحببة للناس بمختلف أعمارهم. فهي تجمع بين الفكاهة والسخرية من المواقف الساذجة وتضيف البهجة في النفوس. تتميز نكت الأغبياء بطرافتها وقدرتها على إضحاك الجميع، فهي تدور حول مواقف طريفة وساذجة تجعلنا نبتسم من القلب. تابع القراءة واكتشف أجمل النكت عن الغباء التي ستجعلك تضحك من قلبك.
نكت أغبياء جديدة
إليكم مجموعة نكت أغبياء مضحكة جدًا عن الأشخاص الأغبياء، أتمنى تضحكك:
- غبي دخل على سوبر ماركت وطلع يضحك، سألوه مالك بتضحك ليه؟ قالهم ضحكت عليه عطيته جنيه وما اشتريت حاجة.
- مرة واحد كان هيتعدم فأول ما حطوا الحبل على رقبته قعد يزعق شالوا الحبل وسألوه مالك قالهم اخص عليكوا كنت هتخنق.
- مرة واحد واقف قدام التلاجة بيفتح الباب بتاعها براحة ويقفلة تاني جه صاحبه وقاله ليه كدة قاله أموت وأعرف مين بيطفي النور من جوة.
- ولد غبي في المدرسة سمع المدرس بيقول: بحسب علم الجينات لازم الولد يطلع شبه أبوه، قال الغبي: هاهاااا، وأنا قول ليه ابن جارتنا بيشبه بابا.
- مرة واحد غبي خبطته عربية فعطوله تعويض عشرة آلاف جنيه وقام واقف على سكة القطر وفاتح صدره وقاله تعلالي يا أبو الملايين.
- مرة واحد غبي قال لابن عمه: أمريكا طلعت القمر واحنا لازم نطلع الشمس، فرد عليه وقله: بس الشمس حر جدا، قله: مفيش مشكلة نطلعها بالليل.
- مره واحد غبي ماشي في الشارع قال يارب يااااارب احط ايدي في جيبي الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت.
- واحد عنده أرق ونفسه ينام.. قاله صاحبه “عد من واحد إلي 500 وهتنام.. فأخذ يعد حتي وصل إلي 109 فشعر بالنعاس قام يغسل وجهه حتي يصل إلي 500.
نكت أغبياء قصيرة
إليكم مجموعة من النكت القصيرة عن الأغبياء التي ستجعلك تضحك من قلبك:
- واحد رجع من السفر لقى الشقة مليانة صراصير. غير قفل الباب.
- مرة واحد غبى لقى عشرة جنية على الارض خدها وحط خمستين.
- خمس اغبياء دخلو كلية هندسة، 3 طلعوا مهندسين و2 مدينة نصر.
- غبي داخل سينما لقى مكتوب ممنوع الدخول لأقل من 18 راح جاب 17 واحد.
- أغبيه راحوا يلعبوا بلياردو، واحد منهم وقف فوق الطرابيزة وقال لهم انا الجوووون.
- مرة واحد غبي ابنه قاله انا عاوز موبايل ابوه قاله موافق بس بشرط تركب اخواتك معاك.
- مرة واحد غبي يكتب ورا الدكتور بالمحاضرة، وكل ما الدكتور يمسح السبورة يقطع الورقة ويرميها.
- مرة واحد راح يخطب واحده، باباها قال له بس البنت لسه بتدرس، قال له خلاص اجلها في الفسحة.
- اتنين راكبين القطر المكيف، الأول بيقول: انا بردان من التكييف، التانى قال له: وأنا عبدالله من المنصورة.
- واحد غبى راح لواحد بياع تليفزيونات بيسأله عندك تليفزيونات ملونة البياع قال له ايوه راح قايله ادينى واحد أخضر.
شاهد أيضًا: نكت قصيرة تموت من الضحك
نكت أغبياء تموت من الضحك
مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله و لما عدى واحد واحدة منهم قالتله تتجوزني يا امور قالها ده انا اتجوز كلبة ومتجوزكيش التانية راحت قايلة هوهو.
مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين…قالوله لقينك يا عم طول الطريق عمال تشد فيه مش عارف تخلعه قولنا نشلهولك
واحد قابل واحد بيجرى فى الشارع فسالة بتجرى لية قالة حماتى اشتريت له نصف كيلو سمك اكلته نىء اصيبت بشلل نصفى فقاله رايح تجيب لها الدكتور قاله لا انا رايح اجيب لها النصف كيلو الثانى.
مره اتنين مجانين اتفقوا انهم يهربوا من المستشفى واحد قال للتاني لو لاقينا السور عالي هنهده لو لاقيناه واطي هنط من فوقيه التاني قاله: ماشي راحوا مالاقوش سور خالص قالوا: يخساره المهمة فشلت.
مرة واحد غبى واقف في الشارع وبيتكلم فى المحمول وعمال يزعق ويقول: بس دوري تاني. معلش دوري كويس. واحد معدى في الشارع سأله: فيه ايه؟؟ راح واخد المحمول منه وبيسمع. لقى (الرقم الذى طلبته غير موجود بالخدمة من فضلك اعد المحاولة).
شاهد أيضًا: نكت محششين بالصور تموت من الضحك
نكت أغبياء طويلة
مرة واحد غبي راح للدكتور علشان يكشف علي ابنه. الدكتور دخل مع الواد اوضة الكشف. و بعدها بربع ساعة طلع الدكتور وقال للراجل ابنك مات.. راح طلع الواد الصغير و قال لأبوه. بابا بابا انا لس مامتش يابا. راح ابوه قاله اسكت يا ولد انت هتعرف اكتر من الدكتور.
مرة واحد غبي راح للدكتور وقاله “كل منطقة في جسمي بتوجعني” كشف الدكتور عليه مفيش حاجة وجعته سأله تاني “فين المنطقة اللي بتوجعك”، قاله “هنا وهنا وهنا” وهو بيشاور بصباعه في كل مكان وقاله “بص يا دكتور حتي راسك بتوجعني” فاكتشف الدكتور إن صباع المريض مكسور.
مره واحد غبى لقي المصباح السحري العفريت سأله شبيك لبيك عايز ايه قالو عايز كوبري يوصل بين فرنسا والسعودية قاله العفريت لا ده طلب صعب اوي قاله خلاص عايز ابن عمي الي في الجامعة الأمريكية ينجح قال العفريت للسعودي عايز الكوبري رايح ولا جاي ولا في الاتجاهين.
مرة واحد مسئول بيفتتح حمام سباحة فالمدير قال له “ده المنط يا فندم 30 متر، قوم نط يا مرزوق” فنط مرزوق. “وده يا فندم منط 50 متر قوم يا عوض نط” فنط عوض. “وده يا فندم منط 80 متر قوم يا نجيب نط” فنط نجيب، فقال المسئول “هايل، هايل. “قام المدير قال: “ولسه يا فندم لما نملى الحمام ميه”.
إتنين أغبية إشتروا حصانين وعاوزين يفرقوهم عن بعض راح الأولاني قطع ديل حصانه وقال لزميله أنت حصانك ديله مش مقطوع قاله لا مش باينه، راح شوية ورجع راح قاطع رجل حصان زميله وقال له حصانك رجله مقطوعة قال له لا مش باينه، راح قاطع راس حصانه ورجع قاله حصانك راسه مش مقطوعة قاله بيتهيألي أوضح حاجه إن حصانك بني وحصاني أبيض.