كلمات اغنية متجمعين على الخير اعلان مستشفى 500 500 رمضان 2018 اهداء للفنان الراحل أحمد زكي تغنيها الفنانة الجميلة شيرين عبدالوهاب، شارك مجموعة من الفنانين في مبادرة مستشفى 500 500 لعلاج السرطان وقاموا بتأسيس جناح لمرضى السرطان باسم الفنان الراحل أحمد ذكي، لمشاهدة فيديو اغنية اعلان مستشفى 500 500 لأحمد زكي تجدوه عبر موقع اليوتيوب، شارك في تصوير الفيديو الفنانة الكبيرة يسرا والفنان جميل راتب والفنان أحمد حلمي وزوجته الجميلة منى ذكي وشيرين رضا وعمرو سعد وهند صبري، نترككم مع كلمات أغنية متجمعين على الخير مكتوبة.
اغنية متجمعين على الخير
في حد ساعات بيكون جنبك ومابتشوفهوش
متحسش أبدا بوجوده مع انه قريب
وفي حد يفارق ويسيبنا انما بيعيش جوة قلوبنا
وتغيب الشمس انما اسمه عمره ما بيغيب
في فرق ما بين جسم بيمشي وروح ما بتمشيش
واللي انت أكيد سايبه ما بينا ضد النسيان
فرحت كتر وأهو جه دورنا ومعاك هنكمل مشوارنا
أصل مفيش في الدنيا دي اغلى من روح انسان
وعشان أجيال بعدنا جايين
يفضلوا فاكرين يفضلوا عارفين
وعشانك حتة منا وعشان تفضل ما بينا
يفضل اسمك معانا سنين وسنين
وعشان أجيال بعدنا جايين
وعشان مش عايزين نخسر ناس غاليين
هندلهم ايدينا وهنديلهم عنينا
احنا اختارنا الطريق ده وفيه ماشيين
طول عمرك بتحس وجعنا ومن غير ما نقول
بنعيش الدنيا بإحساسك بنشوف بعينيك
وعشان من قلبنا بنحبك هنوصل حنية قلبك
للناس اللي منسيوش حبك واتعلقوا بيك
متجمعين على الخير
غناء: شيرين عبدالوهاب