كلمات اغنية يا عيني على الاخوات لمحمد عبد المنعم من مسلسل البيت الكبير 2 بتوصف بوجع انهيار الروابط العائلية، والخيانة اللي بقت عادية بين الاخوات. بكلمات مباشرة ولحن مؤثر، اغنية ياعيني على الاخوات بتحكي عن الطمع والجشع اللي فرق الدم عن بعضه، وكأنها بتقول إن الزمن اتغير والرحمة بقت عملة نادرة.
كلمات اغنية ياعيني على الاخوات
يا عيني ع الإخوات
في لحم بعض بينهشوا والدّم بقا ماية
يوم القيامة خلاص كده قرب ودي العلامات
ياعيني ع الإخوات
المبدأ الأيّام دي هات
مصلحتي فين هيّه
اخوك واخويا ده كان زمان
بطّل الكلام ده ومات
احنا في زمان الإخ فيه ممكن يموّت أخوه
واللّي بيدي النّاس أمان في ضهره بيخونوه
إيّام ما يلعلم بيها غير بس اللّي خالقها
بقا صعب ع الواحد يبانله مين اللّي بيحبّوه
الكلّ طمعان والجشع مالي قلوب النّاس
والطّيب الغلبان خلاص تحت القدم ينداس
الدّم واحد بس مين عالم إيه في النّيّة
الرّحمة تاهت في الطّريق ومعادتش ليها أساس
أخرها متر في متر أهمّ حاجة السّتر
من دمنا ولحمنا يجي منهم غدر
أخرها متر في متر أهمّ حاجة السّتر
من دمنا ولحمنا يجي منهم غدر
اللّي مكتوب في البطايق والنّسب ده مش دليل
الخيانة بقت علامة والأمان بقا مستحيل
اللّي مكتوب في البطايق والنّسب ده مش دليل
الخيانة بقت علامة والأمان بقا مستحيل
بقا الإخ يكره اخوه والسّبب غيره وطمع
بقا الإبن يكسر أبوه احنا في زمن الجشع
اغنية ياعيني على الاخوات
Mohamed Abdel Moneim – Ya3einy 3alekhwat
كلمات: غير معروف
ألحان: غير معروف
توزيع: غير معروف
المزيد من أغاني محمد عبد المنعم
كلمات اغنية اه يا جامد يا شديد – محمد عبد المنعم
كلمات اغنية نسيت اصلك – محمد عبد المنعم
كلمات اغنية مستحملاني يا امي – محمد عبد المنعم
كلمات أغنية على كل لون – محمد عبد المنعم