كلمات اغنية وحد الواحد علي فاروق مكتوبة وكاملة، انتهى المطرب الشعبي علي فاروق من تسجيل اغنيته الجديدة وحد الواحد وهي من كلمات الشاعر محمد النجار وألحان علي فاروق وتوزيع مادو الفظيع، إليكم كلام أغنية وحد الواحد 2019.
كلمات اغنية وحد الواحد
ضرب الأصيل المثل طلع الكلام موزون
لا الندل عمره هيوفي ولا ابن الحرام هيصون
لو كان معايا المال كنت اشتري العفه
مش اجيب لي كام طبال وألف في الزفة
عجبي عليك يا زان
بتعلي في الملعون
اما الأصيل الجدع الله يكون في العون
نبدأ كلامنا الزين ونوحد الواحد
لو وسط لمة جيش يكفيك جدع واحد
نبدأ كلامنا الزين ونوحد الواحد
لو وسط لمة جيش يكفيك جدع واحد
انا قلمي لما اتبرى كتب الكلام في صميم
هضرب عيار في الهوا والفهم للفاهمين
اسمع يا غاوي السمع في كلام لازم يتقال
في ناس تجيبك تحت وفي ناس تعلي ياخال
وفي ناس شورتها المرا وفي ناس شورتها رجال
وفي ناس تخاف ربنا وناس تخاف ع المال
في ناس في ساعة الجد يطلع تمامها كلام
بالاسم بس رجال شنب طلعله عيال
في ناس في ساعة الجد يطلع تمامها كلام
بالاسم بس رجال شنب طلعله عيال
ياللي الفلوس غيتك اخرك تراب فوق طوب
مش هتاخد حاجة معاك كفنك مالوش جيوب
ياللي الحريم غاوياك ربنا يتولاك
ياللي الحريم غاوياك ربنا يتولاك
كيد النسا ده عظيم شكل الغرور نساك
يا غاوي مشي الحريم وتحب تهواهم
كل اللي قبلك خسر حاسب لتغواهم
يا غاوي مشي الحريم وتحب تهواهم
كل اللي قبلك خسر حاسب لتغواهم
خليك في مشي الرجال
سيبك من إياهم
خليك في مشي الرجال
سيبك من إياهم
انا كلمة ديماً اقولها وبصوتي أهو بعلي
لا عمر كبر يفيد ولا مزة بتعلي
انا كلمة ديماً اقولها وبصوتي أهو بعلي
لا عمر كبر يفيد ولا مزة بتعلي
مشيت طريق الرجولة مافي حد كملي
منا لو معايا المال كان كله طبلي
اغنية وحد الواحد
غناء وألحان: علي فاروق
كلمات: محمد النجار