كلمات اغنية حلم عمري محمد سلطان مكتوبة وكاملة، طرح الفنان الشعبي محمد سلطان أغنية جديدة له بعنوان حلم عمري من كلمات عمرو قطب وألحان كريم باكن وتوزيع طه حكيم، إليكم كلام أغنية حلم عمري 2019 مكتوبة.
كلمات اغنية حلم عمري
سنين وانتوا بتحاربوني
عمركوا في حالي ما سبتوني
وكان نفسكوا تهدوني ولا اتهديت
وياما كتير اذيتوني
وداريت دمعي جوه عيوني
وقولتلكم هتشوفوني واديني بقيت
سلمت لربنا أمري ومسكت في حلم عمري
وفضلت اعافر واجري واخبط على كل باب
مستسلمتش ليأسي تعبت وكملت نقصي
وهنت ومرمطت نفسي وسفيت التراب
وأديني واقف قصادكم ونجاحي حارق قلوبكم
وبقيت حاجه غصب عنكم شكلكوا دلوقتي ايه
علي كل حال بشكركم لولا غلكم وسوادكم
مكنتش حققت حلمي ووصلت للي انا فيه
عليا زمان ضحكتم واتريقتم وقولتم
عمري ما هوصل وهنتوا طموحي وشككتوا فيه
حلفت ساعتها لحسركم علي نفسكوا واعرفكم
مين اللي قللتوا منه واستهزءتوا بيه
وقفتوا كتير في طريقي وفرحتوا في همي وضيقي
وإتخلي عني صديقي ولا اتهزيت
مقعدتش وحطيت إيدي على خدي ولومت نصيبي
وقولتلكوا بكره هيجي يومي واديني جيت
و رغم أن الكل باعني ودا اكتر شيء وجعني
قولت لنفسي وايه يعني دا مش وقت الحساب
مفيش حد هيرجعني خطوه لورى ويمنعني
عن حلمي مهما خدعني كل الناس والصحاب
اغنية حلم عمري
غناء: محمد سلطان
كلمات: عمرو قطب
الحان: كريم ياكن
توزيع: طه الحكيم