كلمات اغنية بنتولد

كلمات اغنية بنتولد لسمسم شهاب بتحكي عن الحياة بتناقضاتها، وبتوصف الفرق بين الحظوظ والظروف اللي بيعيشها الناس. الأغنية فيها تأمل في القدر والاختلافات الاجتماعية. كلمات بنتولد بتناقش فكرة الرضا بالنصيب رغم الصعوبات، واللحن بيعزز إحساس الواقع اللي بتعيشه الأجيال المختلفة. وجاءت كلمات الأغنية كالآتي:

كلمات اغنية بنتولد سمسم شهاب

ولكلّ واحد منّا هيعيش كده حسب الظّروف
أنت تعيش فرح وهنا
وأعيش أنا ف قلق وخوف
لو دنيتك متزوّقة
أنا دنيتي أنا دنيتي همّ وشقي
اسكت بقى اعمل معروف

بنتولد مغمّضين مش دريانين
أنا ابن مين وأنت ابن مين
مخيّرين مصيّرين والقصّة تبدأ من هنا

بنتولد هنعيش قليل أو كتير
أبوك غني وأنا أبويا فقير
رغم أنّها تفرّق كتير لكن بنرضى ببختنا

بنتولد من أوّل السّطر الحكاية ملخبطة
مشوارنا ويّا الدّنيا توهة وشحططة

من أوّل السّطر الحكاية ملخبطة
مشوارنا ويّا الدّنيا توهة وشحططة

وفي كلّ سكّة نتوه ونسأل نفسنا
احنا السّبب ولّا العذاب مكتوبلنا

نرضى بنصيبنا ولّا ننعلن حظّنا
ولّا الحكاية من الأساس متظبّطة
رغم أنّها تفرّق كتير لكن بنرضى ببختنا

لو أنت مثلا شخص ضايع مش سوي
مانت اتولدت ف جوّ صعب ومأساوي

وعاشرت ناس كان قلبها زيّ الحجر
ضغطم عليك لحدّ ماجواك انفجر

ويبان عليك من برّه أنّك واد خطر
لكن أنت من جوّاك جدع طيّب أوي
رغم أنّها تفرّق كتير لكن بنرضى ببختنا

بنتولد حكايتنا صرخة ودمع لمّا بنتولد
وبقسوه الأيّام يوماتي بنتجلّد

حكايتنا صرخة ودمع لمّا بنتولد
وبقسوه الأيّام يوماتي بنتجلّد

ونموت ونحيا وألف مرّة ونتكسّر
والدّنيا بعد عذاب علينا بتنتصر
واللّي بيتحدّى الحياه طبّ وخسر
واللّي يموت مستور ياعيني بيتحسّد

في الدّنيا ناس بفلوس حرام يتنعّموا
وناس بلقمة عيش شريفة بيحلموا

وناس بتتعامل مع ظروفها بأدب
وناس تبيع حتّى الحياة في لحظة غضب

وناس بترضى بالنّصيب اللّي اتكتب
يتظلّموا آه لكن لايمكن يظلموا

وناس بترضى بالنّصيب اللّي اتكتب
يتظلّمو آه لكن لايمكن يظلموا
رغم أنّها تفرّق كتير لكن بنرضى ببختنا

اغنية بنتولد – سمسم شهاب

Semsem Shahab – Bentweld
كلمات: أمل الطاير
الحان: وليد عبد العظيم
توزيع: طه الحكيم

كلمات اغنية بنتولد – سمسم شهاب

كلمات اغنية بنتولد سمسم شهاب

اغنية بنتولد – سمسم شهاب

المزيد من أغاني سمسم شهاب