كلمات اغنية بكرة احلى احمد شيبة ومحمد عدوية وامينة وياسمين علي، تم تسجيل اغنية جديدة بعنوان بكره احلى يشارك فيها مجموعة رائعة من الفنانين والفنانات كما تم تصويرها فيديو كليب مبهج يدعو المصريين للجد والإجتهاد والعمل من أجل الوصول بمصر الغالية لبر الأمان، إليكم كلام أغنية بكرة احلى مكتوبة.
كلمات اغنية بكرة احلى
بنجري بخطوة واسعة وبنسابق الزمن
الله الله الله
والأحلام الكبيرة لازم يبقا لها تمن
الله الله الله
ملايين وايدين بتبني شغالين ع الجد يا ابني
بكرة جاي بالخير ولما نتفائل بيه هنلاقيه
الله الله الله
بكرة ايوة بكرة احنا يعني كنا بنشقى ليه
علشان مصر بلدنا دي تبقى
احلى كتير من اللي احنا فيه
حبك كان اختيارنا وطريق هنكمله
واي طريق بيبدأ بالصعب في أوله
احنا بنتباهى بيكي ومهما عملنا ليكي
ده دين على كل مصري وده واجب عليه
وبكرة ايوة بكرة احنا يعني كنا بنشقى ليه
علشان مصر بلدنا دي تبقى
احلى كتير من اللي احنا فيه
دلوقتي اللحظة فارقة وعايزانا كلنا
بجد نحوط عليها ونشيلها في قلبنا
في ايه في الدنيا اولى يستاهل المحاولة
هي الجدار العالي المسنودين عليه
وبكرة ايوة بكرة احنا يعني كنا بنشقى ليه
علشان مصر بلدنا دي تبقى
احلى كتير من اللي احنا فيه
حلمك جوة في عيونا احنا اللي بنرسمه
بعقولنا وبقلوبنا مع بعض بنقسمه
اللي ع الكل حق مش حد وحد لأ
اللي يفرق بينا انتي بتجمعيه
وبكرة ايوة بكرة احنا يعني كنا بنشقى ليه
علشان مصر بلدنا دي تبقى
احلى كتير من اللي احنا فيه
هتقولي ايه جابرنا ع اللي بنتحمله
هنقولك ده واكتر علشانك نعمله
اتربينا في خيرك وشايلينلك جميلك
هو احنا لينا غيرك حضن بندفى فيه
وبكرة ايوة بكرة احنا يعني كنا بنشقى ليه
علشان مصر بلدنا دي تبقى
احلى كتير من اللي احنا فيه
هنكون ايه في اللي راحوا وادوكي عمرهم
كتبوا اسمك بريشة مغموسة بدمهم
مهما نضحي عشانك ابنك بالدم صانك
وعن الشهدا اللي راحوا هنقول ايه ولا ايه
حبك كان اختيارنا وطريق هنكمله
واي طريق بيبدأ بالصعب في أوله
احنا بنتباهى بيكي ومهما عملنا ليكي
ده دين على كل مصري وده واجب عليه