كلمات اغنية بتاع بنات رامي صبري مكتوبة وكاملة، أغنية بتاع بنات من أجمل أغاني ألبوم فارق معاك 2019 للمطرب رامي صبري، أغنية بتاع بنات من كلمات الشاعر أمير طعيمة وقام بتلحينها الفنان رامي صبري، إليكم كلام أغنية بتاع بنات.
كلمات اغنية بتاع بنات
إشاعات وحكايات هتسمعي عني كتير حاجات
وهيقولوا إني بتاع بنات وبعد يومين مش هتلاقيه
ده يقولك سيبيه ودي تقولك فيه اللي فيه
كلام للصبح هتسمعيه وذنبي في كل ده بس إيه
وقالوا ياما في كلام عليا يسيب ديا يروح لديا
لكنك بالنسبة ليا مش عادية مش عادية
أنا بحبك وافهميني أنا هعيشلك طول سنيني
مفيش غيرك يملا عيني يملا عيني
ناس منك تغير وناس مش عايزين لينا خير
وعندي أنا بس طلب أخير حبيبتي ياريت ماتركزيش
على إيه كل ده وهعمل ليه أصلا كده
ده أجمل عمر بيكي ابتدا وأنا من غيرك مش هعيش
وقالوا ياما في كلام عليا يسيب ديا يروح لديا
لكنك بالنسبة ليا مش عادية مش عادية
أنا بحبك وافهميني أنا هعيشلك طول سنيني
مفيش غيرك يملا عيني يملا عيني
اغنية بتاع بنات
غناء وألحان: رامي صبري
من ألبوم: فارق معاك 2019
كلمات: أمير طعيمة
توزيع موسيقى ومكساج: تميم
جيتار: مصطفي أصلان