كلمات اغنية انا الدنيا

كلمات اغنية انا الدنيا مكتوبة للفنانة بوسي، بتبين قسوة الدنيا وبتحذر الشخص اللي زعلها إنها هتوريه أيام سودة وتذله وتوريه الوجع الحقيقي، وبتحكي إن مفيش حد كبير عليها وهتوجعه جامد لو فكر يهرب من المصيدة اللي وقع فيها خالص.

كلمات اغنية انا الدنيا مكتوبة كاملة

أنا الدنيا أنا الدنيا اللي هتورّيك نجوم الليل في عزّ الضهر
أنا الدنيا أنا الدنيا اللي هتخلّيك تحسّ إنّ أنت من غير ضهر
أنا الدنيا اللي هتربّيك وهتهينك وهتذلّك
هورّيك الوجع ألوان محدّش منّي هيحلّك

اجمد عشان لسّه الجاي أجمد وأوجع من كده
وبلاش تفكّر تهرب منّي ما خلاص دخلت المصيدة

أنا ياما ذلّيت ناس كتير أنا دنيا يا ابني ماليش كبير
كلّ اللي كانوا عاملين جدعان وجامدين معايا اتأذوا
واللي يقولوك قدروا عليّا يا حبيب يبقوا بيكدبوا

معنديش أكتر من الوجع بسّ أنت سدّ لو جدع

أنا يا ابني دنيا أنا يا حبيبي دنيا
أنا يا ابني ظالمة ده أنا هقلبها ضلمة

أنا الدنيا أنا الدنيا اللي هتخلّيك تشوف الذلّ على أصله
أنا الدنيا اللي هتنسّيك طعم الفرح من أصله

أنا الدنيا أنا الدنيا اللي هتورّيك نجوم الليل في عزّ الضهر
اجمد عشان لسّه الجاي أجمد وأوجع من كده
وبلاش تفكّر تهرب منّي ما خلاص دخلت المصيدة