كلمات اغنية أمي للفنان محمود الليثي هي رسالة حب وامتنان للأم بمناسبة عيد الأم، بتعبر عن مكانتها الكبيرة في حياة الأبناء. قصيدة “لما جيت أكتب عن أمي” بتبرز قد إيه الأم رمز للتضحية والحنان، وكل لحظة معاها كانت مليانة حب ودفء. كلمات لما جيت أكتب عن أمي فيها صدق شديد بتلامس القلوب، وبتحكي عن علاقة الأم بأبنائها بكل تفاصيلها الحلوة والصعبة.
كلمات اغنية أمي لـ محمود الليثي
أمي، أمي، أمي
لمّا جيت أكتب عن أمّي قلت عنها شايلة همّي
قلت دي بتجري في دمي
قلت عنها كلام كتير
مش جديدة لمّا جيت اكتب عن امّي
عاجزة قدّامي القصيدة
شايلة سرّي بيني وبيها حبل سرّي
انقطع يوم الولادة واتّصل حبل الوداد
حبّ ما يعرفش عادة حبّها اصلًا عبادة
لمّا جيت اكتب عن امّي لقتني بكتب عن حروف
قام الألف زعّق وقف قالي ماتسمع يا ولدي
اسمها مشترك مع اسم من لا شريك له
أوّل الأمّ الألف وأوّل الاسم الألف
ودي مش صدف ربّك بيخلق من العدم
وهن على وهن لحد ما بلغت الحلم
لمّا جيت اكتب عن امّي لقيتني بكتب عنّي أنا
لمّا جيت اكتب عن امّي لقيتني بكتب عن الضنا
في التعب كانت بتسأل
جه مؤنّث جه مذكّر جه بيضحك جه مكشّر
جه على الدنيا بسلام
وقتها مكنتش بفكّر
كنت ببكي وكانت بتحضن بابتسامة
يا ما بدلّع عليه ياما بتمنّع عليها
ياما حاوطتني في جناحها ويا ما دمعت في أيديها
من إيديا تاتاتا و رجلي داست ع البلاطة
داس عليها عجل زمانها كنت ببكي كانت بتجلي الشوكولاتة
كبرت فجأة لقيتني بزهق من كلامها عن السجاير
ع العيال الّي مصاحبها خش ذاكر
أجي أتدلّع تقولي ده أنت راجل
بص يا ابني أنت الّي زيّك دخلو دنيا
بص يا ابني السنين زي الكولونيا متلاقيش لهواها ريحة
أمّي مبتعرفش تجرح بس ياما باتت جريحة
واما جت وقفت قصادي قالتلي أنت امتدادي
أنت نور عيني الّي شبهي أنت دونا عن ولادي
وقتها مكنتش بغاوي كنت فاضي للغناوي
كنت أسيبها قاعدة وأنزل أترمي في حضن القهاوي
هاتي شاي هاتلي نار على فحم شيشة أمّي دي فاكراني طيشة
لاده راجل بصّ شنبي بصّ دقني وأمّا جه الحزن ضاقني
والزمن خد منّي خانة الدوا الّي عند أمّي ملقتهوش في الأجزخانة
أنا ليّا أربعة في وقت ضيق
اغنية أمي – محمود الليثي
Mahmoud El Leithy – Ommy
كلمات: حسن عبدالله
ألحان: محمود الليثي
إخراج: احمد الفيشاوي
المزيد من أغاني محمود الليثي
كلمات اغنية عيني ع الشرف – محمود الليثي
كلمات اغنية أندال وعارفينهم – محمود الليثي وعمر كمال
كلمات اغنية حارق ناس كتيرة – محمود الليثي
كلمات اغنية زمن زمن – محمود الليثي وعمر كمال
كلمات اغنية عادي كدا – محمود الليثي