كلمات اغنية الرقصة الاخيرة للرابر المصري الجوكر (احمد ناصر) بيحكي فيها عن تجاربه الشخصية والصعوبات اللي واجهها في حياته. الاغنية بتوضح إزاي إنسان ممكن يتغير ويتطور من خلال النقد والتحديات. الجوكر بيستخدم كلمات قوية ومعبرة عشان يوصل رسالته بوضوح وبساطة. إليكم كلمات الرقصة الاخيرة كاملة ومكتوبة.
كلمات اغنية الرقصة الاخيرة الجوكر
بَطَّلت أُكلِّم حَدّ لَحدّ ما حَدّ خَدّ بإيدى
لو مَكانتش اقتنعت بِيّا مَكانتش ظَهرت عَبقريتى
كله أَصاب فيما أَصاب وَأخطأ فيما أَخطأ
الحَقّ أَحقّ أَن يُتبع مهما هنوصل أبطأ
إنت عُمرك ما اقتنعت بـ قَدّ إيه بنكمل بعض
أنا لاحظت كُون الفكرة بتقوى بِنقد نُقَط الضّعف
تعدُّد عَصبياتنا فى العموم شيء مُفيد
وإن استمر الفيل فى اعتقاد إن الإله فيل
بلجألك اختِصارًا فى اللى أنا فيه فِعلًا محتاجك
مستحيل حَدّ من الصِّفر لوحده يعرف كُلّ حاجة
ده مش معناه إنّى أَقَلّ ولا إن إنت أَعلى
أنا بقفل التآويل وَإنت بتغرق فى المعنى
لِسه مَعرفتيش من إمتى مَبتفهميليش ولا كَلمة
من ساعة ما كُل حاجة معاكى ابتدت تكون مُملة
عُمرك ما شوفتى حَقيقتى ولا فهمتى حَقيقة ده كله
كُلّ وَاحد شاف التانى الواحد اللى حَبّ يكونله
مضطر أسيبك وَأمشى مَنعًا للمخاطرة
الورقة رافضة أعيشلك وَأبقى أَزورها كُلّ فترة
أنا بَشرح على قَدّ عُقولكوا وِلسه مَتفهمش شرحى
إنت كلامك مَات وَإنت لِسه عايش إنت سَطحى
أَسئلة القَرية دى مَحدودة جِدًّا عالم تافهة
المدينة دى مَبالغ فيها جِدًّا عالم كَافرة
البلد دى كَاملة جِدًّا بسّ أخينا عُمره ما شَافها
بِقراها بِمدنها بكُلّ حاجة وَحيدة بـ اختلافها
ظروفه كانت غير ظُروفهم فَخرج عن الإجماع
ظُروفنا الآن شِبه ظُروفه فـ اجتمعنا على فَتواه
مش فى صَالحك يبقى مثالى طول مَ إنت فى قِمة مُتعدد
باب الإيمان قَصير مَبيدخلوش مُتكبر
سيبيلى حاجة أفتكرك بيها حاجة ريحتك فيها
حاجة استخدمتيها فى أوقات مش حبانى أعيش ناسيها
للهروب من واقعهم للأسف لازم توقيعهم
يؤسفنى أقولك فى بعض الحاجات شِبه طيعهم
بسّ ده مؤقتًا هُما يقولوا بطل وَأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنّى أقبل حاجات مَرفوضة
وَحدة بجمالك إنتى فى بالى صَعب تكون مَوجودة
أجزاء شِبه عَشوائية سوا تِبان مُخيفة
إنت سامع مَ الغنوة آله بتعزف صَوت مؤامرة سَخيفة
اللى فى صَالح السيناريو طول عُمرى بنفذه
لو أبرهة بيغرق قبل عام الفيل هَروح أَنقذه
أَسئلة القَرية دى مَحدودة جِدًّا عالم تافهة
المدينة دى مَبالغ فيها جِدًّا عالم كَافرة
البلد دى كَاملة جِدًّا بسّ أخينا عُمره ما شَافها
بِقراها بِمدنها بكُلّ حاجة وَحيدة بـ اختلافها
مَعرفتش أَشكر مين ساعتها وَعدى الموقف عادى
مَجاش فى بالى إن أنا الشَّخص اللى أَنقذ حياتى
براجع نفسى لما ألاقينى تِهت فى التفاصيل
فـ أَنفصل عنى الجُزء اللى مُراقبنى من بعيد
شايفك يا بَلدى بتبصيله وَإنتى بترقصيله
بَصة فلسطيني لإسرائيلى ناهب مَحصول طينه
فى لوحات يادوب فيها بسيب كَذا خَطّ وَلون
كَوّنوا فى كُلّ عَصر كُلّ رَسمة تُفيد الكون
غَلبانة بتقول للناس إنها بُكره هَتنسانا
مش عَارفة إن اللى يَعيش من غيرنا أكيد مَعاشش مَعانا
صَدقى اللى إنتى بتحسيه كَدبى اللى إنتى بتشوفيه
استخدَمى البُعد اللى إنتى عَارفة إنك فى حُضنى فيه
كان بَين فى عينيكى الزَّهق
مَبانتليش فى عينك غِيرة
قلتلك إنّى عَارف إن دى الرَّقصة الأخيرة
أَسئلة القَرية دى مَحدودة جِدًّا عالم تافهة
المدينة دى مَبالغ فيها جِدًّا عالم كَافرة
البلد دى كَاملة جِدًّا بسّ أخينا عُمره ما شَافها
بِقراها بِمدنها بكُلّ حاجة وَحيدة بـ اختلافها
كلمات أغنية هامش الصمت – الجوكر
اغنية الرقصة الاخيرة – الجوكر
كلمات وتوزيع: الجوكر