كلمات اغنية افتح بنموت لالتراس وايت نايتس، مكتوبة بدموع القهر إهداء لأرواح العشرين شهيد في أحداث ستاد الدفاع الجوي. الكلام هنا بيوثق اللحظة المرعبة والممر الضيق اللي خنق أحلام شباب كل ذنبهم حبهم للكيان، مع عهد صريح إن الحق هيرجع مهما طال الزمن، اقرأ الشهادة دي وحس بوجع الفراق.
كلمات اغنية افتح بنموت
كان نفسه الليالي تعود وبيحلم بالكورفا سود
نفسه يشجع نفسه يبدع صوته يروح ويعدّي حدود
كان بيحس الليلة عيد لم أصحابه قريب وبعيد
غنّى وشجّع احفظ واسمع أي هتاف وأي نشيد
طار من الفرحة لقاها ألوف فين نهايتها عينك ما تشوف
اجري وقاتل خليك راجل كان للكورفا يا ناس ملهوف
كان آخر صوت افتح بنموت بيهز سكوت
فجأة الجو اتملى دخان والخرطوش من كل مكان
افتح بابك لم كلابك ناس بتموت يا ضعيف يا جبان
أصحاب ياما على الأكتاف فين النجدة فين الإسعاف
غدروا بأكتر ناس بتحب تاه العقل وضل وخاف
قاله يا أخويا كفاية عليك نفد الأمر ومش بإيديك
ضمّه في حضنه قاله في ودنه
عندي وصية دي عهد عليك
خليني ذكرى تعيش الفكرة للخلود
صبراً أمي أخويا شهيد راح الجنة بإذن الله
نيته صافية في وشّه البسمة
بعد ما قتلوا الروح جواه حبس وقتل سجون تعذيب
تخرب ستاد بسلاح ترهيب
أوعاك تنسى إحنا الأولتراس دولة قمعك مش هتفيد
جوا عينيا حلو ومر كفني يكون بتيشيرت العمر
ما تخيلتش إن في يوم آخر القصة يكون في ممر
فرسانا أسود ما يخافوا الموت وفي يوم هنعود
اسمع صوت الشعب الحر ضحى بعمره وداق المر
عاش الحلم بروحه وكمّل لأجل في يوم الراية تمر
حق أخواتنا هيفضل دين عهد علينا ليوم الدين
إخوة دم وطالهم دم قصاصهم جاي أحلف بيمين
اغنية افتح بنموت – التراس وايت نايتس
Ultras White Knights – Efta7 Bnmot
كلمات: غير معروف
ألحان: غير معروف
توزيع: غير معروف