كلمات اغنية احنا الاساطير دويتو كريم ابو زيد واحمد الشبكشي، اغنية حماسية بتدعم المنتخب المصري في كأس الأمم الأفريقية. الأغنية بتفكرنا بتاريخ مصر العظيم في البطولة وبطولاتها السبع، وبتشيد بنجوم الفريق زي صلاح وحجازي والشناوي. تعالوا نكتشف كلمات اغنية احنا الاساطير الوطنية اللي بتشحن الهمم وبتذكر العالم بقوة الفراعنة في الملعب.
كلمات اغنية احنا الاساطير
عهدنا من آلاف السّنين
إنّ إحنا مفيش تحدّي ينادينا إلّا وقبلنا بيه
عمرنا يوم ما قولنا في بطولة إنّ إحنا وحظّنا
مكسبنا ديماً احنا بنتعب عليه
إحنا الأساطير والتّرجمة مصري على كبير
هنخلّي الدّنيا بحالها تبحلق لينا ولأ وتغيّر
من فيكوا قدّي وتحدّي يجي جنبي يطير
أبطال كبار من سنين ده القرار
كنّا حالفين إنّه ما يفوت يوم نهار
إلّا ونصدّر في تاريخنا نجاح يحكوه
سبع مرّات خدنا الكاس والبطولة عندنا
كلّ بلاد أفريقيا منوّرين أرضنا
مصر الحضارة والجمال الحقيقة والخيال
فرقتنا رجّالة معروفين بنهزّ جبال
مصر هتلاقينا في الصّدارة
مصر في البطولة احنا الإثارة
مصر هتلاقينا موجودين
مصر في الملعب مستقتلين
المرّة اللّي فاتت عدّت بس المرّة دي لينا
صلاح الكبتنة هو قائد السّفينة
عندنا أقوى هجوم ضدّ أي دفاع
هتشوفوا أجوان غريبة بتسبّب الصّداع
أحمد حجازي حجر صعب تخسره
مبيخافش ما بيهابش ولو عليه استكتره
واقف سدّ منيع مجهوده مش هيضيع
الشّناوي رافع إيده جاهز إنّه يزيع
أهلاً في مصر بس البطولة ملكنا
لو متعرفش الفراعنة يبقى اسأل عنّا
إحنا الأساطير والتّرجمة مصري على كبير
هنخلّي الدّنيا بحالها تبحلق لينا ولأ وتغيّر
من فيكوا قدّي وتحدّي يجي جنبي يطير
أبطال كبار من سنين ده القرار
كنّا حالفين إنّه ما يفوت يوم نهار
إلّا ونصدّر في تاريخنا نجاح يحكوه
المصريّين مصر مصر مصر
اغنية احنا الاساطير
كلمات: أحمد العرفان
ألحان: كريم ابو زيد
توزيع: أشرف أبو زيد