كلمات اغنية احلى بنوتة دويتو بين مدحت صالح وعفاف راضي من مسلسل “أبو العروسة”، بتعبر عن حب أبوي وأمومي صادق لبنتهم اللي شايفين فيها روحهم وحياتهم. الأغنية كلها مشاعر دافية، مفيهاش أحلى من وصف “أحلى بنوتة” كتعبير عن فرحة العمر اللي اتجمع فيها كل الحنان. كلام بسيط بيوصف بنت هي النعمة والسند والحدوتة الحلوة في حياة أهلها.
كلمات اغنية احلى بنوتة لـ مدحت صالح
يا اسم بينتهي باسمي
يا واخدة دم من دمي
وشبهي لمّا تبتسمي
وشبهي لمّا بتسمي
يا بنتي يا أحلى بنوتة معوّضني الزّمان بيها
يا بطلة كلّ حدوتة بقالي عمر بحكيها
يا واخدة من سنيني سنين
يا واخدة من حياتي حياة
وفيكي اتجمعوا الغاليين
في إيه منّي انتي مش واخداه
يا واخدة من سنيني سنين
يا واخدة من حياتي حياة
وفيكي اتجمعوا الغاليين
في إيه منّي انتي مش واخداه
يا غنوة لمّا غنّيتها لقيت قلبي مكمّلها
يا دعوة لمّا أنا دعيتها سمعها ربّنا قبلها
عليّا لمّا تتشاقي بتملي الدّنيا دي عليّا
ولخبطتك لأوراقي ترتّب كلّ حاجة فيّا
دي أوضتك لمّا أنوّرها تنوّر دنيتي معايا
هدومك لمّا أحضّرها بحسّ بستر جوّايا
يا هوا ردّ الحياة ليّا بسببك راضي عن عيشتي
يا نعمة ورزق وهديّة يا راس مالي وتحويشتي
يا واخدة من سنيني سنين
يا واخدة من حياتي حياة
وفيكي اتجمعوا الغاليين
في إيه منّي انتي مش واخداه
اغنية احلى بنوتة – مدحت صالح
ألحان وتوزيع: خالد عز
كلمات: نادر عبد الله
المزيد من أغاني مدحت صالح
أنا فوقت
صورة حلوة
بتغريني
وايه تاني
عقبالي