كلمات اغنية حق انتفاع تتر بداية مسلسل أيوب يغنيها المطرب المصري الشاب عبده سليم، مشاهدة كلمات أغنية حق انتفاع مكتوبة وهي من أورع أغاني المسلسلات العربية التي يتم عرضها في شهر رمضان 2018 على شاشات القنوات الفضائية، المسلسل بطولة كلاً من الفنان الكبير مصطفى شعبان،زكي فطين عبدالوهاب، والجميلة ايتن عامر والشابة هنا الزاهد وأخرين، نترككم مع كلمات أغنية حق انتفاع مكتوبة.
اغنية حق انتفاع
Hak Entfaa – Abdo Selim
أنا بيت قديم جدارنه من الخوف شرخت
أنا ضحكة يسمعها القتيل لو صرخت
أنا صورة من كتر الغبار اتعفرت
أنا نكتة حلوة اتكررت واهي بوخت
أنا أرض بور الهم خدها حق انتفاع
انا سهم بورصة في انخفاض مش ارتفاع
أنا متهم وماليش كمان حق الدفاع
أنا باب ومقفول من سنين مفتاحه ضاع
انا شكر بس ومنظر انما مش بعيش
انا قصة من تأليف بس ماتتحكيش
في الحزن واخد دور بطولة وألف جايزة
مع اني مبتنزلش صورتي على الأفيش
أنا حلم كل ما بحلمه بيطلع كابوس
انا سلعة للبيع والشرا من غير فلوس
أنا حد كان شاطر أوي ويوم الامتحان
نسي لجنته وضيع كمان رقم الجلوس
أنا دمعة نازلة بتبكي وفي وقت الهزار
انا شيئ بسيط محطوط في قايمة الانتظار
أنا تحفة حلوة بجد معروضة في بازار
أنا جرح ممكن تقفله بأي اعتذار
أنا حد ضايع حقه من طيبته مازال
طيب وشايل كوم هموم فوق الاحتمال
انا نجم وفي عز انبساطه وشهرته
بطل خلاص تمثيل وقرر الاعتزال
حق انتفاع
غناء: عبده سليم
تتر مسلسل: أيوب