كلمات اغنية إوعديني غناء الفنان رامي جمال من ألبوم مالناش إلا بعض، بتفتح باب المصارحة بين الأحباب عشان مفيش حاجة تتشال في القلب. رامي بيطلب من حبيبته تكون له السند والمراية اللي بتفوّقه لو غلط، لأنها مش بس حبيبة دي بقت كل الدنيا، شوف الكلام ده وحس بصدقه.
كلمات أغنية إوعديني – رامي جمال
اوعديني لو زعلتي مرة مني تعرفيني
لو جرحتك غصب عني تحسسيني
ما تشيليش جواكي حاجة تحكي ليا كل حاجة
لما هفهم هبقى أحسن صدقيني
اوعديني لو نسيت يا حبيبتي نفسي تفوقيني
لو خدتني الدنيا مني ترجعيني
لو في لحظة زاد غروري اشتكي لومي وثوري
بس اوعي في يوم تروحي وتسيبيني
أنتي قلبي وأنتي روحي وأنتي عيني
حد عايز أعيش معاه لآخر سنيني
أنتي بالنسبة لي مش حب في حياتي
أنتي كل حياتي فعلاً افهميني
اوعديني لو في يوم الخوف ملكني تطمنيني
لو ذكائي في مرة خاني تفهميني
لما أقسى في يوم تحني وأما أغلط غصب عني
قبل ما أغلط غلطة تانية تلحقيني
اوعديني لو يبيعني الكون بحاله تشتريني
تبقي أقرب ليا مني تكمليني
تبقي أختي تبقي أمي تجري فيا جوة دمي
لما أكون تعبان تضمي وتداويني
أغنية إوعديني – رامي جمال
كلمات: أمير طعيمة
ألحان: رامي جمال
توزيع: أحمد إبراهيم
المزيد من أغاني رامي جمال
قد الليالي
كده هاموت
سلام
ودعتيني
ياريت ماتجيش