موسوعة عربية شاملة

جميعنا يعلم فوائد الضحك للانسان فهو  يخلص الجسم من المشاعر السلبية و يقلل من التوتر ويحمي القلب كما انه يساعد على تخسيس الكرش لانه نوع من تمارين شد البطن نقدم لكم اليوم مجموعة من النكت المصرية Egyptian jokes الجديدة لتحسين مزاجك

* إتنين ماشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش ليه قالو وانا مالى هو انا إللى ضربته

واحد بلدياتنا كان قائد فى الجيش و قدامه أربع صفوف عساكر … واحد من العساكر عطس .. القائد سأل أول صف مين اللى عطس؟ محدش رد .. فتح عليهم النار قتلهم كلهم .. و بعدين سأل الصف التانى مين اللى عطس محدش رد .. راح فاتح النار عليهم ….والدور على الصف التالت قام واحد خاف و قاله انا اللى عطست ياباشا قاله القائد يرحمكم الله.

واحد بلديتنا راح امريكا لقى كل الشباب لابسين تشيرت مكتوب عليه سفن اب كوكاكولا – بيبسي .. راح كتب على الجلابية عصير قصب.

* مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس … يالهوي وعملتي إية .. عملت بامية وامري لله .

* مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي .

سئلوا صعيدى: ليه جتلت أبوك
الصعيدى: كانوا عاملين رحلة للأيتام , كنت عايز اروحها
المحققين: طب ليه جتلت عمك ؟
الصعيدى: كنت عايز ابن عمى يسافر معايا
المحققين: طب ليه كنت عايز تنتحر
الصعيدى: أصلهم لغوا الرحلة

* حان موعد اختبار المجانين فرسم الدكتور باب مقفول على الحائط واحد ركله والأخر بطحه وضحك الاخير فظن الدكتور أنه شفى فسألة عما يضحكه فقال له المجنون:المفتاح فى جيب

* مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين .

* واحد غني بيتأتأ فراح رحله على حسابه مع اصحابه طول السكه قاعد يقول “ن ن ن” لما وصلوا قالهم” نسيت الفلوس” فرجعوا طول الطريق قاعد يقول” ك ك ك” فلما وصلوا قالهم” كنت باضحك عليكم”

* وادة بتقول لزوجها لو ما كنتش رضيت اتزوجك كانت حياتك بقت فاضيه قالها :ايوه بس محفظتي كانت حتبقى مليانه .
* مرة دكتور تحليل امة ماتت قال تحاليلي ياما.

في واحد دلوع اوي, دخلوه اهله الجيش , سأله القائد : تعمل ايه لو قابلت العدو … قال : ارمي السلاح في وشه و اقولوا اكرهك اكرهك اكرهك.

* مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قاله ليه دا انا قدامي واحدة على خمس تلاف وحامل
* سودانية لبست فستان أحمر وقالت لزوجها دلعني . .قال لها: يا فحم يا مولع !!

* مرة واحد بيقول لمراته “اعملى محشى” فقالت له “ما بعرفش” قلها “ماليش دعوة” فراح الشغل ورجع لقى السفرة مليانة محشى قلها “مين اللى عمله؟” فقالت “معرفش” فأشتكى للبواب، البواب رد وقاله “الشقة ديه مسكونة” فقله “لاياعم انا هروح شقة حلوان” فطلع الشقة لقى العفش محلول وهو نازل لقى أربع عفاريت بيغنوا “هنروح حلوان هنروح حلوان”.

قد يعجبك ايضا