كلمات اغنية لما تفتح كلمني الرائعة مكتوبة وكاملة للفنان الشاب كريم رفعت، وهي أغنية حزينة تحكي مأساة أب يعيش في الخارج ويتخلى عن ابنه في جميع مراحل عمره ويصف نفسه بالغباء في تلك الفترة وفي يوم قرر أن يحادثه ويرسل له رسايل فلم يرد عليها الابن وبعد يومين جاء الأب ليرى ابنه فيجده توفى، يمكنكم الاستماع إلى أغنية لما تفتح كلمني وتحميلها من خلال مواقع الأغاني العربية، مشاهدة كلمات أغنية لما تفتح كلمني مكتوبة.
اغنية لما تفتح كلمني
Lama Teftah Kalemny – Karim Refaat
أنا شايف إنك قافل بس قولت أسيبلك نوت
أقول إنك واحشني وأسف إني مش موجود
وإني أسف اني فوتت تفاصيل ياما في حياتك
فوت أول سنة ومجتش في أعياد ميلادك
أسف اني معلمتكش إزاي تسوق العجل
أسف اني مشوفتكش بتنضح وبيطلعلك عضل
نسيت أعملك إزاي تنبت حبة حلبة في قطنة
كان نفسي اكون معاك ونضحك سوا ونعلي صوتنا
أكيد بتسأل شكلي إيه أنا شبهك بالملي
انا تاني اسم في اسمك انت ابني إنت مني
واكيد بتسأل مشيت ليه قبل ما أشوفك صبي
كنت خايف أشيل المسؤلية ساعتها انا كنت غبي
أنا مش متوقع منك انك تسامحني بسهولة
حاولت أصالح مامتك بس قضيتنا مقفولة
بس كان عندي أمل في إنك متشيلش مني
مع حبي انا والدك لما تفتح كلمني
ببص في السحاب وأشوف صورتك فوقي بخيالي
أنا جاي أعوضك ووعد مش هسيبك تاني
قولي عملت إيه في الإمتحانات
عايزين مجموع في نتيجتك
لو نجحت ليك حلاوة عندي يلا إنت وعزيمتك
حبيبي أنا خدت أجازة من الشغل ونازل أشوفك
مش عايز اتدخل واقتحم بأي شكل حدودك
جبت ليك هدية بتمنى تناسب زوقك
بس جاوبني بأي حاجة انا نفسي اسمع صوتك
عديت عليك في الفصل مكنتش فيه تقريبا سيبته
دوخت ولفيت على عنوانك الجديد لحد ما جبته
عدى يومين وماجاوبتش على رسايلي
ده حقك بس انا عايزك تفتح وتطمني
نزلت وجيتلك من كام دقيقة
ازاي ده ممكن حتى اكيد ده غلط مش حقيقة
مامتك قالتلي شيئ قتلني مش قادر انساه
لسه فاكر ها ابنك اتوفى البقاء لله
شوفت مشيت متضايق مني
انا اسف اني مجتش بدري
ولما تفتح كلمني
لما تفتح كلمني
كلمات وغناء: كريم رفعت