كلمات اغنية تتر مسلسل للحب فرصة أخيرة غناء المطربة المصرية نهال نبيل بتوضح مشاعر الحب المتغيرة ما بين السعادة والألم والشوق والفراق. الاغنية بتتكلم عن قصص الحب المتشابكة اللي ممكن تتوهنا سنين، لكنها بتفضل تمنحنا الأمل بفرصة جديدة. الفنانة بتعبر في كلمات تتر للحب فرصة أخيرة عن الوجع والفرح اللي بيجي مع الحب، وبتحكي إزاي بنعيش في انتظار الفرصة التانية اللي تجيب لنا دفء وحنان.
كلمات اغنية تتر مسلسل للحب فرصة أخيرة
الحب زي السِّحر
شهد ومرّ وقرب وهجر
خوف وآمان
يشبه لموج البحر
مدّ وجذر ورقة وغدر
قسوة وحنان
نتعب نقول هنتوب لكن قدر مكتوب
مع كل فرصة نحب من تاني
وفي كل قصة محاولة للطيران
سنين يا قلبي في الحب توهنا
وفي وهم ياما شبكتني
عشقت واحد بيحب واحدة
بتحب واحد بيحبني
وياما جينا وياما روحنا
طب بس إمتى تطيب جروحنا
ونلاقي بين العشاق مكان
يا حب نور من الفرح ليلنا
واوعدنا قمرك يضمنا
لو مرة نبعد إبقى ناديلنا
واوهبنا قلب يحبنا
ومهما نتعب في كل ثانية
بنعيش ونحلم بفرصة تانية
نلاقي فيها دفا وحنان
كلمات اغنية الرفاق – نهال نبيل
تتر مسلسل للحب فرصة أخيرة – نهال نبيل
كلمات: ابراهيم عبد الفتاح
الحان: مصطفى داغر
توزيع: يحيى مهدي