كلمات اغنية كلنا فاسدين مكتوبة وكاملة، تتر مسلسل بلا دليل للفنان خالد سليم حيث يشارك في بطولة المسلسل ومعه مجموعة كبيرة من الفنانين والفنانات منهم نقولا معوض، أشرف زكي، احلام الجريتلي، أمير كرارة، المسلسل من إخراج منال الصيفي، نقدم لكم اليوم كلمات اغنية كلنا فاسدين تتر مسلسل بلا دليل مكتوبة.
كلمات اغنية كلنا فاسدين
دنيا خدتنا جابتنا غلطنا مشينا كأننا معميين
وأما وقفنا قصاد مرايتنا لقينا اننا كلنا فاسدين
عشنا حياتنا بمليون وش ومليون نوع
سبنا الخطوة تاخدنا سلك ماليها رجوع
سنين بتدور وفي ساقية عمرك مربوط
وانت مكانك مبتمشيش
وبدال ما تروح لنهايتك وتحب تموت
مش كان اولى تحب تعيش
كلنا فينا نسبة شر وكلنا فينا نسبة خير
واللي ميتحكمش في شره بيغلط غلطة تمنها كبير
وأما بنفهم اننا ضيعنا بعد مافات من العمر سنين
مبنعرفش ساعتها الطعنة هتقتل امتى وعلى يد مين
ده بيخطف وبيجري كأنه الدنيا سباق
وده بيعيش بثبات لكنه متأخر فاق
سنين بتدور وفي ساقية عمرك مربوط
وانت مكانك مبتمشيش
وبدال ما تروح لنهايتك وتحب تموت
مش كان اولى تحب تعيش
اغنية كلنا فاسدين
غناء: خالد سليم
كلمات: أمير طعيمة
ألحان: إيهاب عبد الواحد
توزيع: أسامة عبد المنعم
مهندس صوت: ماهر صلاح